PDEA 6 identified drug group leader Richard Prevendido, gin-convict sa kaso nga illegal drugs sang 2001 base sa desisyon sang RTC sa Iloilo Hall of Justice

Iloilo City — (UPDATE)  Gin-convict sang korte si PDEA 6 identified drug group leader Richard Prevendido alyas Buang sa kaso may kaangtanan sa illegal drugs sang 2001.

Base ini sa desisyon ni PresidingJudge Rose Edith Togonon sang Branch 25 Regional Trial Court (RTC) sa Iloilo Hall of Justice kahapon.

Nausisaan sang Aksyon Radyo Iloilo nga nag-ugat ang kaso sang gin-raid sang Nobyembre 30, 2001 ang balay nga ginatineran ni Prevendido sa Barangay Leong, Cabatuan.

Narecover sang mga personnel sang Iloilo Police Provincial Office (IPPO) Special Operations Group sa balay  ang 0.08 grams sang shabu.

Si Prevendido, ang wanted drug personality sa Iloilo kag may reward nga P1 milyon sa iya nga pagkadakup.

Nagpamalibad naman nga magkomento si Atty. Rameses Padilla,  legal counsel ni Prevendido bangud madugay na nga wala makapakita ang iya kliyente. (JoMaque)