MIWD, nagapaminsar na sang mga paagi agud masiguro ang bastante nga water supply sa tig-ilinit

Iloilo–Padalumon ang suba kag magakutkot sang tatlo ka dugang nga bubon ang Metro Iloilo Water District ukon MIWD bilang preparasyon sa summer season.

Pahayag ini ni MIWD General Manager Imelda Magsuci agud masiguro nga bastante ang supply sang tubig sa pagsulod sang tig-ilinit. Gin-athag ni Magsuci nga may surplus sa water supply halin sa bulk water supplier para sa mga konsumedor. Apang nagakabalaka sila sa leak sa mga tubo.

Nag-implementar na ang MIWD sang ‘war on non-revenue water’ kag nagpangayo sang bulig sang publiko agud matumod ang mga naga-leak nga tubo.

Plano sang MIWD nga kutkuton agud magdalum ang dam sa Maasin watershed samtang makutkot sang tatlo ka bubon sa Cabatuan. (AGB)