(UPDATE) Port Manager sang PPA, nag-athag nga indi dali-dali maislan ang mga guwardya sa Iloilo Fastcraft Terminal

Iloilo City–May mga proseso nga dapat sundon antes desisyunan nga ilisan ang mga guwardya nga nagabantay sa mga pantalan kag propedad sang Philippine Ports Authority (PPA).

Pa-athag ni PPA Iloilo Ports Manager Jose Cesario Bautista, dapat may basehan gid ang pag-ilis sang mga guwardya. Nagmandu si Bautista sang imbestigasyon sa mga kontrobersiya nga nagtay-ug sa PPA sang damlag lang pareho sang akusasyon nga may sinindikato nga ginahimo sa Iloilo Fastcraft Terminal parking area.

Ginpahayag ni Bautista nga dapat may due process kag indi ura-urada ang pagdesisyon sa pag-ilis sang mga gwardya. May 119 ka security guards sang Lockheed Security nga ginkontrata sang PPA Iloilo sa pagbantay sa mga pantalan kag iban pa nila nga propedad. (AGB)