Hepe sang Pandan Antique Police Station, nakibot sa report nga nadakpan sa buy bust operation ang iya pulis sa Tanza Baybay, City Proper

Antique — Nakibot si Senior Inspector Karl Stephen Lee Betansos, hepe sang Pandan Police Station sa Antique matapos nabalitaan nga nadakpan sa buy bust operation ang iya pulis nga si PO1 Domar Deocampo sa Tanza Baybay, City Proper. Suno kay Betansos, naglisensya si PO1 Deocampo nga magpauli sang huwebes bangud birthday sang iya bata kag may tambungan nga hearing. Si Deocampo ang assigned sadtu sa Molo Police Station pero ginrelieve matapos nakita ng nag-attend sa birthday party sang bata sang suspect nga may kaso nga illegal drugs. Ginpahayag ni PSI Betansos nga wala siya sang masaway kay PO1 Deocampo. (JoMaque)