Mayor Jed Patrick Mabilog, ginakonsiderar ang pagfile sang leave of absence suno sa iya spokesman

Iloilo City–Ginakonsiderar ni Mayor Jed Patrick Mabilog ang pag-file sang leave of absence bangud sang ginapangatubang sini nga problema lakip na ang masami nga paglawag sa iya ni Presidente Rodrigo Duterte kag pag-tag sa syudad nga most shabulized kag bedrock og illegal drugs.

Gin-ako ni Atty. Mark Piad, spokesman ni Mabilog, nga naistoryahan nila ang posible pag-file sang leave of absence sang alkalde apang wala pa na-finalize. Gin-ako man ni Piad nga apektado ang alkalde kag nagapamangkot kon ngaa nalawagan gihapon siya bisan ginahimo na niya ang iya masarangan sa kampanya kontra illegal nga druga.

Nagpamalibad naman si Piad nga magpaathag sa mga espekulasyon nga may pagbag-o sa iban pa nga posisyon sa city hall sa pagbalik sang alkalde. Natalana nga magbalik sa syudad si Mabilog subong nga semana matapos ang iya official travel sa Japan kag Malaysia. (AGB)