Pila ka lugar sa Iloilo City, ginbaha bangud sang wala untat nga pag-ulan

Iloilo City–Ginbaha ang pila ka dalanon sang syudad bangud sa wala untat nga pag-ulan kaina.

Bangud sini, may mga pamilya nga nag-evacuate sa mas mataas nga area. Suno kay Calubihan, Jaro Punong Barangay Rammy Guintibano,  lima ka pamilya ang gin-evacuate samtang ginabanta masobra 20 ka mga indibidwal ang apektado sang pagbaha. Naglab-ut suno sa iya sa taga-hawak ang tubig sa kilid sang sapa kabangdanan gin-evacuate ang mga residente.

Apat man ka pamilya  sa Navais, Mandurriao ang gin-evacuate kag temporaryo nga nagtiner sa barangay gym bangud sang pagbaha. May evacuees man sa East Baluarte, Molo. (AGB)