Malacanang Nagpaseguro Sa Seguridad Ni Mayor Mabilog Kasunod Sang Report Nga Nagakabalaka Ang Alkalde Sa Seguridad Niya Kag Sang Iya Pamilya

Malacanang Palace – Nagpaseguro ang malacanang sang safety ni mayor Jed Patrick Mabilog sa tunga sang ginpahayag pagkabalaka sang alkalde sa iya seguridad kag sang iya pamilya.

Sa press breifing sa mga katapo sang media, ginpabutyag ni spokesperson Ernesto Abella nga ang rule of law ang nagapangibabaw sa Pilipinas nga isa ka demokratiko nga pungsod.

Ginpabutyag ni spokesperson Abella nga itugyan nila sa opisina sang Executive Secretary ang leave extension ni mayor Mabilog agud makuhaan sang ila opinyon natuhoy sa lihok.

Matandaan nag-file sang extension si mayor Mabilog sa iya sick leave sang nagligad nga adlaw bangud sang sakit nga type 2 diabetes kag stress.

(ATT)