Punong barangay sang Caingin Lapaz, nagdepensa sa pahayag sang ICPO-WCPD nga ang iya barangay ang nagapanguna sa mga menor nga naglapas sa Curfew Ordinance

Iloilo City — Nagdepensa ang punong barangay sang Caingin, Lapaz sa pahayag sang Iloilo City Police Office- Women and Children’s Protection Desk nga ang ila brgy ang nagapanguna sa mga menor de edad nga nagalapas sa curfew ordinance.   Suno kay punong barangay Rene Firmeza, isa lang sa 10 nga na-aprehend sang icpo-wcpd nga ginpahayag pumuluyo sang Caingin ang matuod nga residente sang barangay.   Gingamit lang sang iban nga mga menor ang ila barangay suno kay Firmeza.  Napatawag na ang ginikanan ukon guardian sang mga menor nga naglapas sa curfew ordinance suno kay Firmeza.  Gin-ako naman sang punong barangay nga nagauntat na sa pagronda ang mga barangay tanod paglab-ot ala-1 sang kaagahon bangud may obra pa sila kag dyutay lang man ang ila allowance. (JoMaque)