2 ka suspek sa paghold-up sa pamilya sa Lemery, gina-angut sa goons sang police

Iloilo — Gin-angut sa goons ang duha ka suspek sa paghold-up sa pamilya sa Barangay San Antonio, Lemery sang Biernes sang gab-i.         Suno kay PO2 John Bagonoc, imbestigador sang Lemery Police Station, wala na naga-egsister ang goons bangud napatay na ang lider. Gin-athag ni Bagonoc nga indi lang sa Lemery naga-operate ang mga suspek.   Ginkonfirmar ni Bagonoc nga nakilala na nila ang duha ka suspek kag posible mapasaka na ang kaso buwas.

Armado sang 45-caliber pistol kag may tabon nga t-shirt ang nawong sang mga suspek nga nagsulod sa balay sang pamilya Hallardo pasado alas-8 sang gab-i sang Biernes. Nakuha sang mga suspek ang 7 mil pesos nga benta sa tiangge kag ginpahayag nga gintiro pa ang bana nga si Lerio apang wala naigo.  At-large gihapon ang duha ka suspek. (JoMaque)