Reshuffling sang kaparian sa nasakupan sang Archdiocese sang Jaro, indi demotion ukon punishment suno kay Archbishop Angel Lagdameo

Iloilo City — Indi punishment ukon demotion ang reshuffling sang mga kaparian sa nasakupan sang Archdiocese sang Jaro. Ini ang paathag ni Monsignor Joemarie Delgado, Director sang Commission on Social Communications sang Archdiocese kasunod sang pagkumpirmar sa naguwa nga report. Suno kay Delgado, maga-epekto ang mandu ni Lagdameo sa Disyembre 3. Lakip sa mga apektado ang 86 ka mga parokya sa siyudad kag probinsya sang Iloilo kag Guimaras. Nagalaum ang Arsobispo nga mapaayo pa ang pagserbisyo sa publiko kag mapun-an ang kakulangan sa mga parokyano. Limitado naman ang mga detalye ni Delgado sa mangin status ni Monsignor Juanito Tuvilla, ang anay parish priest sang Sta. Barbara nga nangin kontrobersyal bangud sa ginpahayag indi maayo nga pamatasan. (JoMaque)