January 23, 2022

Grupo nga Ilonggo No to PECO Franchise Renewal for 25 years, magahiwat sang mga aktibidad

Read Time:1 Minute, 8 Second

Iloilo City — Magahiwat sang mga aktibidad ang grupo nga Ilonggo No To PECO Franchise Renewal for 25 years agud ipakita ang pagpamatuk sa renewal sang franchise sang Panay Electric Company.  Suno kay Doctor Gold Gonzalez nga isa sa mga convenors sang grupo, may motorcade sila nga paga-updan sang lain-lain nga grupo alas-8 subong nga aga halin sa Jaro Plaza pakadto sa City Hall.  Pagasundan ini sang ginatawag ni Gonzalez nga Occupy City Hall sa diin matambung ang iban nila nga kaupdanan sa dayalugo sang City Council kag PECO representatives antes ang regular session. Indi man suno kay Gonzalez mag-untat ang ila grupo sa pagmonitor ilabe na sa public hearing sang House Committee on Legislative Franchises sa petition for renewal agud masiguro nga mapamatian ang reklamo sang mga konsumedor.   Magapadayon man suno kay Mr. Fordz Pelaez, isa man sa mga convenors, ang petition signing batuk sa renewal of franchise. Tubtob kahapon, masobra 25 mil na ka konsumedor sang PECO ang nakapirma suno kay Pelaez kag pamatuod ini nga indi lang isa ka libo pareho sang ginahambal ni Mayor Joe Espinosa ang may reklamo batuk sa electric company. Gin-engganyo naman ni Pelaez, ang mga konsumedor nga may reklamo pero nahadluk maguwa nga magsuporta sa ila tikang agud mangin madinalag-on ang kawsa. Ginpahanumdom ni Pelaez nga kawsa sang tanan ang isyu sa elektrisidad. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mayor Joe Espinosa, matambung sa public hearing sa House Committee on Legislative Franchises angut sa ginahingyo nga renewal of franchise sang PECO
Next post 2 ka utility personnel sang Iloilo Fishing Port, ginbuno sang guwardiya