Transport group nga ICLAJODA, indi mag-upod sa transport strike sang PISTON

Iloilo City–Indi mag-upod ang Iloilo City Loop Alliance of Jeepney Owners and Drivers Association ukon ICLAJODA sa transport strike sang PISTON sa Disyembre 4 kag 5.

Suno kay ICLAJODA President Raymundo “Boyet” Parcon, nahisugtan sang mga transport groups sa Iloilo nga ginalakipan sang PISTON-Panay, CIPJODA, kag ICADA nga indi mag-upod sa strike bangud subol na katama ang pagpahibalo sa ila kabangdanan wala man sila nakapreparar. Pero bilang pagsimpatiya sa kawsa suno kay Parcon, malunsar sang caravan ang mga transport groups sa Lunes.

Ginapanawagan sang sektor sang transportasyon sa gobyerno ang paghatag sa ila sang nagakaigo nga tiun nga mapanghandaan ang phase out sa daan nga mga jeepneys sa pungsod. (AGB)