DOH 6, nagpasiguro nga wala sang kabataan sa Western Visayas nga nabakunahan sang Dengvaxia

Iloilo City–Wala sang kabataan sa Western Visayas nga nabakunahan sang dengue vaccine nga Dengvaxia.

Pahayag ini ni Dr. Renilyn Reyes, head sang Family Health and Nutrition Cluster sang Department of Health Regional Office 6, sa tunga sang kontrobersiya sa Dengvaxia. Suno kay Reyes, wala nadala ang rehiyon sa pilot testing sang dengue immunization program gamit ang Dengvaxia nga nagsugod sang nagligad nga tuig. Pa-athag naman ni Dr. Glen Alonsabe, Regional Epidemiologist sang DOH, ginbasehan sa pilot testing ang record sang dengue cases sang 2015 sa diin manubo ang record sa rehiyon.

Suno sa DOH, ginhimo ang pilot testing NCR, Regions 3 kag 4-A kag sa Region 7 ang expansion sang programa. (AGB)