Asosasyon sang commercial establishments sa Smallville-Boardwalk Area, nagakabalaka nga maapektuhan sa EO ni Mayor Joe Espinosa

Iloilo City — Masobra 70 ka establisemento nga miembro sang Smallville-Boardwalk Business Association Incorporated ang ma-apektuhan kon sige-sigehon ang Executive Order 146 ni Mayor Joe Espinosa nga nagamandu sa pagsirado sang mga nagaserbe sang ilimnon pag-abot sang alas-2 sa kaagahon.

Suno kay Mr. Jim Velez nga presidente sang asosasyon, nagakabalaka ang ila mga miembro nga indi makabayad sang ila renta bangud sa mandu. Subong nga Disyembre kuntani suno sa iya makabawi ang mga negosyante.

Plano sang grupo ni Velez nga makigsapol kay Mayor Espinosa agud istoryahan ang ila concerns. (JoMaque)