Car pass sang mga provincial jeepney, luyag ilisan ni Councilor R. Leone Gerochi

Iloilo City–Plano ni Councilor R. Leone Gerochi nga i-recall ang tanan nga car pass sang mga provincial jeepneys. Suno sa konsehal, daan na kag gusto niya ang lain nga disenyo sang kada asosasyon nga may security feature ang syudad agud malikawan ang kinawatay ukon manegosyohan.

Plano man ni Gerochi nga magpasar sang ordinansa nga pabayaran sa mga drivers/operators ang bag-o nga design sang car pass.

Ginpahayag ni Gerochi nga indi niya luyag nga syudad pa ang magasto sa pagpa-obra sang bag-o nga car passes. Madamu na suno sa iya sang car passess nga nagakadula gani kanugon lang ang ginagasto sang city government.

Ikonsulta sang konsehal sa City Legal Office kun paano himuon nga regulatory fee ang pag isyu sang bag-o nga car pass. (AGB)