Sta. Barbara Mayor Dennis Superficial, nagpa-athag kasunod sang mga reklamo batuk sa iya Municipal Social Welfare Officer

Sta. Barbara, Iloilo — Ginhingyo ni Sta. Barbara Mayor Dennis Superficial ang nagpalab-ot sang reklamu paagi Aksyon Radyo Iloilo batuk sa iya Municipal Social Welfare Officer nga si Lanie Sumcio nga i-direkta sa iya ang complaint. Gin-athag ni Superficial nga wala sang pinili-an ang iya opisina sa paghatag sang burial assistance sa indigent nga mga residente sang banwa basta kumpleto ang mga papeles. Pila ka residente ang nagreklamo nga nagpangayo sang burial assistance sa opisina sang MSWD apang ginpahayag ginapabalik-balik sila ni Sumcio. Mas maayo suno kay Mayor Superficial nga idiretso sa iya ang reklamo agud ma-aksyonan. Gin-ako sang alkalde nga may gin-download nga pondo ang opisina ni 2nd District Congressman Arcardio Gorriceta nga amu ang ila gina-release sa mga nagapangayo sang bulig.  (JoMaque)