Pagkawat sang tricycle driver sang bag sang Japanese nga iya pasahero, may epektu sa turismo sang Iloilo–DOT 6 Director

Iloilo City–May daku nga epekto sa turismo ang pagkawat sang tricycle driver sa bag sang Japanese national.

Suno kay Tourism Regional Director Helen Catalbas, sensitibo katama ang Japanese market sa seguridad nila sa lugar nga ila ginakadtuan. Matuod nga isolated case ini pero masubo suno sa iya nga natabu ang insidente samtang nagahilapit ang Dinagyang.

Maayo lang suno kay Catalbas kun indi ma-pick up sang Japanese embassy ang natabu sa ila pumuluyo sa Iloilo.

Sa City government naman, ginpangabay ni Catalbas nga hatagan sang atensyon ang gintawag sini nga groundlevel housekeeping kag indi lang puro promotion ilabe na sa Dinagyang. Dapat suno kay Catalbas nga siguruhon sang siyudad nga preparado ang tanan nga aspeto lakip na ang seguridad.

Gina-promote suno kay Catalbas ang Western Visayas nga “tahum” pero baliskad sini ang ginhimo sang tricycle driver. (AGB)