Pres. Rodrigo Duterte, posible nga magbisita sa hamyang ni Joanna Demafelis sa Brgy. Ferraris, Sara

Iloilo — Posible nga magbisita si Presidente Rodrigo Duterte sa Barangay Ferraris, Sara sa hamyang ni Joanna Demafelis, ang Ilongga OFW nga nasapwan sa sulod sang freezer sa Kuwait. Ginkomfirmar sang tiyo ni Joanna nga si Barangay Kagawad Pablo Demafelis nga naka-check na sa ila area ang taga-Presidential Management Staff. Nakabisita man suno sa iya ang taga-Presidential Security Group. Apang wala sang schedule nga ginsugid ang taga-PMS kag PSG.

Nag-abot kahapon sa Manila halin sa Kuwait ang bangkay ni Joanna kag ginsugat sang iya pamilya sa Iloilo Airport kaina sang kaagahon.

Sa pag-abot sang bangkay ni Joanna sa Iloilo Airport, ginkumpirmar ni OWWA Chief Hans Leo Cacdac nga nag-upod gid sa pagdul-ong sang bangkay nga may plano gid man si Duterte nga magbisita sa hamyang ni Joanna. (JoMaque)