January 25, 2022

Mga opisyal sang Iloilo International Airport, nagpaathag sa reklamo sang pasahero nga nakuhaan sang duha ka bala sa iya bag

Read Time:1 Minute, 12 Second

Iloilo City — Nagpa-athag ang mga opisyal sang Iloilo International Airport sa reklamo sang pasahero nga babaye nga nakuhaan sang duha ka bala ang bag sang iya manghud sang Sabado.

Ginpatan-aw sang airport authorities sang CCTV footage sa area nga nahamtangan sang x-ray machine ang mga katapu sang media. Apang gindumili ang pagkuha sang video ukon paghatag sang footages bangud kinahanglan suno sa mga opisyal sang clearance halin sa Manila.

Wala ginpresentar ang mga personnel nga nag-assist sa tagreklamo nga si Mrs. Azucena kag sa iya utod. Ang mga opisyal lang nga sanday Iloilo International Airport Manager Mecine Reyes; Office for Transportation Security Supervisor Bernadette Cachopero; Engr. Diego Eric Abecendario nga Chief sang Iloilo Airport Tower kag Supt. Joel Serrano, Chief sang Aviation Security Group, ang nagpa-athag. Base sa ila ginpresentar nga CCTV footages, makaduha ka beses nga ginpa-agi sa x-ray machine ang bag sang mag-utod nga sila man ang nagabitbit. Apang wala ginpresentar ang pagbukad sang bag bangud wala nadala sa sakup sang CCTV camera suno sa mga opisyal.

Ginsaysay ni Mrs. Azucena nga makatatlo ka beses nga ginpa-agi sa machine ang ila backpacks. Apang sa ikatatlo nga tiun, ang babaye nga personnel sang airport ang nagbitbit sang backpack sang iya utod, nagbutang sa x-ray machine kag nagkuot sang duha ka bala sa side pocket. Ginpasugtan nga makabiyahe pa-Manila ang mag-utod matapos ginkumpiskar sang Airport police ang mga bala. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Nagalapta nga impormasyon nga nadakpan ang mga employers ni Joanna Demafelis, wala sang kamatuoran suno sa OWWA
Next post Tokhang surrenderer, nadakpan sa buy bust operation sa Guimaras