Pagtukod Sang Special Investigation Task Group Nga Magatutok Sa Pagtiro Sa Operator Sang STL Sa Probinsya Nga Si Sam Aguilar Nagadepende Sa Mangin Rekomendasyon Sang IPPO Suno Sa PRO VI

Camp Delgado, Iloilo City — Magadepende sa Iloilo Police Provincial Office ang pagtukod sang Special Investigation Task Group agud mag-imbestigar sa pagtiro sa operator sang STL province nga si Mr. Sam Aguilar sa Tigbauan sang damlag lang.

Suno kay Police Regional Office VI Spokesperson Gilbert Gorero, ang IPPO ang magarekomendar kon kinahanglan pa magtukod sang SITG agud masolbar ang krimen. Sa subong, may gintugyanan na si IPPO director Marlon Tayaba nga magtutok sa imbestigasyon kasunod sang case conference.

Nasumiter naman sang Tigbauan police ang mga recoveries sa SOCO kag ipa-enhance man ang CCTV footage sang riding-in-tandem nga ginapatihan amo ang mga suspek sa krimen.  Nagapabilin sa ospital sa syudad si Aguilar.

(ATT)