Councilor Ed Peñaredondo, na-ako nga nagbulig taytay agud maka-istoryahanay ang magbilas nga Mayor Joe Espinosa III kag Cong. Jerry Treñas

Iloilo City–Gintinguhaan ni Councilor Ed Peñaredondo nga magtulay agud maka-istoryahanay sanday Mayor Joe Espinosa kag Congressman Jerry Treñas.

Gin-ako sang konsehal nga madamo sila ang nagapatunga agud maka-istoryahanay ang magbilas kag magbalikay kon may indi gid man maayo nga nagakatabu sa ila relasyon. Apang suno kay Peñaredondo, daw wala sang nagakatabu sa ila mga pagtinguha samtang nagaligad ang inadlaw.

Gin-athag ni Peñaredondo nga pareho niya nga abyan ang duha kag wala siya sang pilian kon madayon nga magkontrahanay sila sa pagka-mayor sa masunod nga eleksyon. (AGB)