Rekomendasyon sang inter-agency nga siraduhan ang Boracay, napalab-ut na kay Presidente Rodrigo Duterte

Boracay Island, Aklan–Nakalab-ut na kay Presidente Rodrigo Duterte ang rekomendasyon sang inter-agency nga siraduhan ang Boracay Island para sa rehabilitasyon.

Gin-confirmar ni Department of Tourism 6 Director Atty. Helen Catalbas nga napalab-ut sa presidente ang rekomendasyon nga gin-anunsyar kahapon. Gin-athag naman ni Catalbas nga ang mga negosyo lang ang pasiraduhan kag indi maapektuhan ang mga residente.

Nalab-ut ang rekomendasyon matapos ang duha ka adlaw nga meeting sang inter-agency nga ginapamunuan sang DENR, DILG kag DOT. Miembro man sang inter-agency ang Department of Labor and Employment, TESDA kag Department of Justice.

Kon ma-aprubahan, siraduhan ang Boracay sang tubtob isa ka tuig agud matutukan ang pagsolbar sa mga problema sa isla suno kay Catalbas. (AGB)