DSWD, nagsugod na sa pagtinlo sang listahan sang mga benepisyaryo sa Social Pension Program
DSWD 6, Iloilo City – Ginalauman ni DSWD 6 Director Rebecca Geamala nga matapos nila limpyo ang listahan sang mga benepisaryo sa Social Pension Program antes matapos ang subong nga quarter.
Ginsulit ni Geamala nga mangin istrikto sila sa pagsunod sang guidelines para sa programa kag kakason gid ang mga indi eligible.
Sa record sang 2017, nagalab-ut sa 365,908 ang Social Pension beneficiaries sa Western Visayas — 127,736 halin sa Iloilo province kag 13,190 halin sa Iloilo City.
Base sa guidelines, maka-avail sang social pension nga P500 kada bulan ang mga senior citizens nga:
1. Naga-edad 60-anyos pasaka;
2. Mahina, nagamasakit ukon may disability
3. Wala sang regular income ukon suporta halin sa pamilya kag mga himata;
4. Wala sang ginabaton nga pension halin sa pribado ukon government institutions pareho sang SSS kag GSIS
(JoMaque)