(UPDATE) BFP Guimbal, padayon ang imbestigasyon sa nasunog nga back hoe sa gina-obra nga dalan

Guimbal, Iloilo–Padayon ang imbestigasyon kon paano nasunog ang back hoe sang Sargasso Construction and Development Corporation nga nakaparada sa gina-obra nga karsada sa Barangay Nanga, Guimbal kaina sang kaagahon.

Suno kay Senior Fire Officer 3 Russell Gotera sang BFP Guimbal, ginahulat nila ang dugang nga impormasyon halin sa kompaniya. Posible suno kay Gotera nga ginbasyahan sang flammable liquid ang back hoe gani nasunog.

May narecover nga plastic container nga ginapatihan ginsudlan sang gasolina kag gingamit sa pagtutod sa back hoe.

Una na nga ginpahayag ni Eliseo Nimes, residente nga naga-istar malapit sa nasunog nga back hoe, may nabatian siya nga may naglagpok kag gulpi nga nagdaba-daba ang back hoe. (AGB)