Mga apektado nga pumuluyo sa Boracay, gina-engganyo nga mag-rally sa natalana nga pagsirado sang isla — PRO 6
Iloilo City — May grupo nga naga-engganyo sa mga apektado nga pumuluyo sa Boracay nga mag-rally sa natalana nga pagsirado sang isla sa turismo sugod Abril 26 para sa rehabilitasyon.
Suno kay Police Regional Office 6 Director Cesar Hawthorne Binag, namonitor nila ang impormasyon gani nagapangabay siya sa pumuluyo nga indi na mag-upod sa hublag protesta agud malikawan ang perwisyo kag posible wala ginapaabot nga mga kinagamo.
Ginpahayag ni Binag nga may plano ang gobierno para sa mga maapektuhan sang temporaryo nga pagsirado sang isla gani indi dapat magpa-engganyo sa mga nagapang-recruit nga mag-rally. (JoMaque)