Isa patay, isa ang pilason sa pagbunggu-anay sang ambulansiya kag motorsiklo
Pavia, Iloilo — Isa patay kag isa ang pilason sang nabungguan sang ambulansiya sang Janiuay ang motorsiklo sa Brgy. Ungka II, Pavia kahapon.
Gindala pa sa ospital si Florencio Deloviar, 69-anyos sang Brgy. Patlad, Dumangas apang napatay.
Napilasan naman sa wala nga tiil kag nagreklamo sang pagpalanakit sang iya lawas ang asawa ni Florencio nga si Helen, 64-anyos nga padayon nga ginabulong sa Western Visayas Medical Center.
Arestado ang driver sang ambulansiya nga si Angel Quidato, 50-anyos sang sang San Pedro Street, Janiuay nga may karga nga pasyente.
Suno sa Pavia police, nagpati ang driver sang ambulansiya nga mag-steady sa center sang lane ang motorsiklo sang mag-asawa rason nga nagliko siya sa pawala apang nagliko man pawala ang motorsiklo rason sang aksidente. (JoMaque)