Untreated water sewerage nga nagadiretso sa dagat sa Boracay, nagaresulta sang algal bloom suno sa eksperto
Iloilo City — Nagaresulta sang algal bloom ukon pagdamu sang lumot ang masobra nga nutrients pareho sang untreated water sewerage nga nagadiretso sa baybay ang nagakatabu sa Boracay.
Suno kay Dr. Rex Sadaba, scientist kag faculty member sang Division of Biological Sciences sang University of the Philippines, kon may masobra nga nutrients ang tubig nagapakita ini sang high organic load nga nagadiretso sa coastal area kag indikasyon sang imbalance marine eco-system.
Ginpahayag ni Sadaba nga kon magdamu ang lumot, nagakonsumo ini sang oxygen kag magaresulta sang pagkapatay sang mga isda kag pagsulod sang bacteria sa tubig.
Isa sa mga talaksan suno sa iya kon polluted ang tubig sa dagat amu ang pagtaas sang biological oxygen demand.
Gin-athag ni Sadaba nga normal lang ang pagtubo sang mga lumot sa baybay ilabe na kun mataas ang temperatura bangud kabahin ini sang eco system.
Pero sa kaso sang Boracay, madasig ini nga nagdamu kag malaw-ay na lantawon. (JoMaque)