Mga kandidato sa BSKE 2018, mahimo ma-disqualify kon miembro sang political party

Iloilo City — Mahimo ma-disqualify ang kandidato sa Barangay kag Sangguniang Kabataan election kun miembro sila sang political party.

Suno kay Comelec Commissioner Mari Rowena Guanzon, puwede makareklamo ang sin-o man sa Comelec Law Department kun may pamatuod sila nga ang kandidato miembro sang partido politikal.

Ginpaathag sini nga maathag ang pamangkot sa certificate of candidacy ukon COC nga kun miembro ang kandidato sang political party kag kun nabutang sang kandidato nga indi ini member sang anuman nga partido kag natukiban nga nagbinutig ini, mahimo siya kasuhan sang disqualification.

Dugang pa ni Guanzon, dapat nga hands off ang mga politiko sa barangay elections. (JoMaque)