Tatlo ka barangay officials sa Iloilo, ginfinance sang kuwarta halin sa illegal drugs suno sa PDEA 6 Director

PDEA 6 Office, Iloilo City–Tatlo ka mga barangay officials sa Iloilo ang gin-finance sang kuwarta halin sa illegal nga druga suno sa Philippine Drug Enforcement Agency ukon PDEA 6 sa bag-o lang natapos nga Barangay kag Sangguniang Kabataan elections 2018.

Ini ang pahayag ni PDEA 6 Director Wardley Getalla kasunod sang ila monitoring sa natapos nga election. Suno kay Getalla, indi pa sini matumod kun taga-syudad ukon probinsya sang Iloilo ang iya ginatumod nga barangay officials. Nagbalibad man si Getalla sa paghatag sang dugang nga mga detalye.

Ginpahayag ni Getalla nga duha ka barangay kapitan kag isa ka barangay kagawad ang gin-alegar nagamit sang drug money sa pagpangampanya agud magdaog sa elections.

Gin-athag ni Getalla nga ginarespeto nila ang desisyon sang pumuluyo nga pagsuporta sa mga barangay officials nga naangut sa illegal drugs. Pero bisan nagdaug sa eleksyon, wala ini nagatinlo sa ila sa isyu sang illegal nga druga. (AGB)