Mga contractors sang delay nga road projects sa syudad, ginpatawag sang DPWH Iloilo City District Engineering Office agud magpa-athag sa mga katapo sang media

Iloilo City–Ginpatawag sang DPWH Iloilo City District Engineering Office ang mga contractors sa ginakay-o nga dalanon sa syudad agud magsabat sa isyu sang madugay nga pagtapos sang mga proyekto nga ila gina-obra.

Paathag ni Engr. Rodney Gustilo, head sang DPWH ICDEO, regular ang pagsapol niya sa mga contractors kon Mierkules. Apang sa meeting kaina, gin-imbitar ni Gustilo ang mga katapo sang media agud direkta nga makapamangkot kag mapa-athagan sang mga contractors.

Ginpahayag ni Gustilo nga may mga contractors nga madasig kag ginalauman nga matapos ang pag-obra sang proyekto antes ang target date of completion apang may ara nga delayed kag inugrekomendar na sang DPWH nga i-terminate ang kontrata. (AGB)