4 Ka Pulis Sa Western Visayas Gina-Imbestigaran Sang Kampo Delgado Matapos Nakuhaan Sang Litrato Sa Bulangan

Iloilo City — Gina-imbestigaran sang Regional Investigation and Detective Management Division sang Kampo Delgado ang apat ka pulis sa Western Visayas nga ginpahayag nakuhaan sang litrato sa sulod sang bulangan.

Gin-confirmar ni PRO 6 Spokesperson SUPT Joem Malong nga ginpatawag sang bag-o nga director, Chief SUPT John Bulalacao, ang apat ka pulis kag ginpangayuan sang paathag.

Wala pa ginhingadlan sang PRO 6 ang apat nga ginabug-usan sang SPO1 halin sa Negros Occidental Police Provincial Office; PO3 nga assign sa Regional Headquarters Support Group; PO1 nga assign sa Sapian MPS sa Sapian, Capiz; kag PO1 nga assign sa Jaro Police Station apang na-detail sa mobile group.

Pag-athag ni SUPT Malong, bisan naka-civilian clothes ang apat sa mga litrato, lubos nga ginadumili sa mga pulis ang pagsulod sa mga bulangan kag pag-engage sa anuman nga sahi sang illegal gambling.

(att)