Mga Contractors Indi Mabasol Sa Delayed Nga Pag-Obra Sang Karsada Ilabe Na Kun Indi Nila Kontrolado Ang Rason Pareho Sang Panahon Suno Sa ICDEO

Iloilo City — Nanindugan si engr Rodney Gustilo sang Iloio City Distirct Engineering Office nga indi mabasol sa mga contractor ang delay nila nga pag-obra ilabi na kun indi nila kontrolado ang mga rason.

Ini kasubong sang presensya sang mga poste, issue sa right of way kag tyempo suno kay Gustilo.

Ginasuspend ang kontrata sang natungdan nga contractor suno kay Gustilo ukon ginahatagan sila sang time extension sa kasubong nga sitwasyon.

Ang mga district offices suno kay Gustilo ang nagadetermina kun ano ang gintunaan sang pagkadelay sang proyekto.

Una na ginpahayag ni Gustilo nga 38 sa 135 ka mga proyekto sa idalum sang ICDEO ang may negative slippage ukon delayed nga pag-obra.

(att)