Entertainer Natiruhan Sa Oton
Oton, Iloilo- Pilason ang lalaki matapos natiruhan samtang nagasakay sa trisikol sa barangay Tagbac Sur.
Nakibyasan sa wala nga ilok kag butkon si Manuel Adayo, 18-anyos sang Tabuc Suba, Jaro kag temporaryo nga nagapuyo sa Pulo Maestra Vita, Oton.
Pauli na si Adayo, nagatrabaho bilang entertainer, sakay sa trisikol ni Roel Alsosa halin sa pag-perform sa Sheridan Boutique Resort, sang gintiro sang suspek nga nagasakay sa motorsiklo nga green.
Antes ang insidente, suno kay Adayo, ginsita sila sang suspek nga ginabanta naga-edad sang 50-anyos bangud sa pagliko sang driver sang trisikol nga wala nag-signal.
Tatlo ka lupok sang pusil ang nabatian sang biktima.
(att)