November 27, 2021

Pila ka traffic aides, indi makakita sang mga naga-illegal parking — PSTMO Head Jeck Conlu

Read Time:50 Second

Iloilo City – Pila ka traffic aides ang indi makakita sang mga naga-illegal parking sa dalanon sa syudad.

Pahayag ini ni Public Safety and Transportation Management Office head Jeck Conlu sang ginpamangkot ang mga traffic aides kon ngaa naga-egsister gihapon ang illegal parking. Suno kay Conlu, may traffic aides man nga nagarason nga ulihi na lang nila makita ang salakyan kag kon ila palapitan, wala na sang driver.

Gin-ako ni Conlu nga kulang sila sa tinawo kag gintutukan sang ila personnel sang nagligad nga inadlaw ang mga dalanon malapit sa mga eskwelahan bangud sa pagbukas sang klase.
Apang posible nga makabantay na ang mga traffic aides sa city proper area sugod buwas.

Lakip naman sa plano sang PSTMO agud mahagan-hagan ang illegal parking amo ang pagpasaka sa penalty sang mga violators.

Suno kay Conlu, talakayon sa City Council ang suhestyun nga himuon P1,500; P3,000 kag P5,000 ang penalidad sa first, second kag third offence sang mga naga-illegal parking. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagdakup sang tambay sa syudad, wala pa sang basehan suno kay Councilor Joshua Alim
Next post Saka sa pletehan sang pumpboats nga may byahe Jordan Guimaras-Iloilo City, gin-aprobahan na sang MARINA