Saka sa pletehan sang pumpboats nga may byahe Jordan Guimaras-Iloilo City, gin-aprobahan na sang MARINA
Jordan, Guimaras – Gin-aprubahan sang Maritime Industry Authority (MARINA) ang petition for fare hike sang Jordan Motor Banca Cooperative.
Gin-confirm ini ni Ofelia Canja, presidente sang JMBC. Suno kay Canja, piso ang increase sa pang-adlaw nga pamasahe ukon halin sa P14 subong, mahimo na nga P15. Samtang duha ka pesos ang gin-aprubahan nga saka kon gab-i nga biyahe ukon halin sa P20 subong, mahimo na nga P22.
Gin-athag naman ni Canja nga ipatuman ang increase kon mabaton na nila ang kopya sang approval kag kon mapahibalo ang publiko. Posible suno sa iya nga mabaton sini ang kopya sa masunod nga bulan. (JoMaque)