Iloy, nagpanawagan sang bulig para sa iya bata nga natalana operahan
Iloilo City–Nagahilibi-un nga nagapangayo sang bulig si Edna Fuentes, 37-anyos sang Salvacion, Balasan, sa sin-o man nga may bulawanon sang taguiposo-on para sa iya anak nga natalana operahan.
Nagsugod sa gamay nga hubag sa tiil kag kamot ang pag-antus ni Gina Rose, 16-anyos nga bata ni Edna.
Nobyembre 2017 naghabok ang tiil ni Gina Rose kag pag-abot sang Disyembre, indi na ini haluson makalakat.
Graduating na kuntani sa elementarya si Gina Rose pero wala naka-gradwar bangud sa iya sitwasyon.
Subong natalana nga operahan ang dalagita bangud sang malignant nga mass sa iya tiil kag kamot. Tuman na gid kadaku sang tiil ni Gina Rose subong suno sa iloy (mas daku pa sang sa makita sa video).
Nagapanawagan si Edna sa sin-o man nga makadonar sang dugo nga kinahanglanon para sa pag-opera sa iya anak nga nagapabilin subong sa Western Visayas Medical Center.
Utdon ang tiil ni Gina Rose kun indi madala sa opera suno pa sa iloy. (JoMaque)