Mayor Joe Espinosa, nagpanindugan nga nasantu sa Supreme Court decision ang iya pag-appoint sang bag-o nga set sang board of directors sang MIWD

Iloilo City — Ginpanindugan ni mayor joe espinosa nga santu sa desisyon sang korte suprema ang iya desisyon nga mag-appoint sang bag-o nga set sang board of directors sang Metro Iloilo Water District ukon MIWD.  Suno sa alkalde, ginahimo niya lang ang iya function bilang appointing authority.

Apang dapat pa suno sa iya nga i-confirm sang Local Water Utilities Administration (LWUA) ang mga gin-appoint niya sa MIWD board bilang requirement sa laye.  Una na ginkumpirmar ni MIWD General Manager Imelda Magsuci nga nabaton nila sang Lunes ang kopya sang appoinment papers halin sa LWUA para sa bag-o nga set sang board of directors.

Gin-appoint ni espinosa sanday Felicito tiu para sa Business sector; Rebecca Maravilla sa Women sector; sa Civic sector si Dr. Ray Celis ; Architect Antonio Sangrador sa Professional sector; kag Ronald Raymund Sebastian sa Education sector. (JoMaque)