3 ka suspek nga naglampos patay sang kabilya sa 20-anyos nga lalaki sa Lapaz, ginhingadlan na sang pulis

Iloilo City –Ginhingadlan na sang Lapaz Police ang tatlo ka suspetsado nga naglampos-patay sang daku nga kabilya kay Jay ‘Duroy’ dela Peña, 20-anyos sa Burgos Mabini, Lapaz sang nagligad nga gab-i.

Suno kay Lapaz Police Station Chief of Police Jose Val Ladublan, ginkilala ang mga suspek nga sanday Reynan, Niel kag Jerome Palomar, magparyentehanay kag lunsay residente sang Magdungao, Passi City.

Gin-identified ang tatlo sang ila foreman nga si Ike Palomar nga nagatrabaho sa construction site sa diin natabo ang insidente. Ginpahayag nga nagpalagyo ang tatlo antes nakit-an ang duguon nga lawas ni Dela Peña.

Samtang, i-autopsy ang bangkay sang biktima subong nga adlaw. Pasakaan naman sang kaso nga murder ang tatlo ka mga suspetsado. (JoMaque)