(UPDATE) Bangkay sang Ilonggo nga napatay sa sulod sang presuhan sa Novaliches Police Station, nabalik na sa Iloilo

Concepcion, Iloilo–Ginsugata sang iya mga himata ang bangkay ni Genesis Argoncillo alyas Tisoy sa Philippine Ports Authority ukon PPA kaina sang aga agud idul-ong sa ila balay sa Barangay Bagongon, Concepcion.

Napatay si Argoncillo samtang preso sa Novaliches Police Station sa Quezon City sang Hunyo 19. Hunyo 15 sang gab-i sang gindakup si Argoncillo bangud nga wala sang suksok nga t-shirt suno sa iya pamilya.

Base sa death certificate, napatay si Argoncillo sa severe blunt force trauma sa guya, liog kag upper extremities. Nakasuhan na ang duha ka inmates nga gintudlo nagkastigo kay Argoncillo.

Wala pa natalana ang lubong ni Argoncillo. (AGB)