Bangkay sang barangay tanod , nasapwan sa bakante nga lote sa Brgy. Bagacay East, Maasin; Biktima, may pilas sang pagkabuno kag gingulgolan sang liog

Maasin, Iloilo — Ginkilala sang iya bata ang bangkay kay Emilio Macaya, 55 anyos sang Brgy. Bagacay East.

Nasapwan si Macaya las 7 kahapon sang aga, Agosto 5 sang contruction worker nga wala na sang bayo, madamu sang pilas sang pagkabuno kag gingulgolan sang leog. Suno sa bata nga si alyas JR, las 5 kahapon sang hapon sang naglisensya nga may kadtuan ang iya amay.

Wala man ini sang may nadumduman nga kontra ang iya amay. Ulihi nga nakit-an si Macaya nga naga-inom inom upod ang iya kapareho nga tanod kag naglisensya nga mapauli pasado las 9 kagab-i, Agosto 4.

Wala pa sang may matudlo nga suspek ukon mga suspetsado ang Maasin police bangud nagapadayon ang ila imbestigasyon.

Suno kay Police Inspector Jose Oswald Gatuslao, hepe sang Maasin Police Station, wala sang malain nga record si Macaya. (JoMaque)