Mag-asawa sa Molo, nakuhaan sang pusil, granada kag mga sachets sang suspected shabu; mag-asawa, nanginwala nga ila ang mga recoveries

Iloilo City–Arestado ang mag-asawa nga nakuhaan sang pusil, granada kag mga sachets sang suspected shabu sang ginserbihan sang search warrant sa Brgy. San Juan, Molo.

Suno kay Police Chief Inspector Marlon Valencia, una nga nakuha ang 38 caliber revolver nga may siyam  ka bala, 12 gauge shot gun kag granada sa balay sang subject nga si Walter Castro.

Narecover naman sa bag ni Maria Ehra, asawa ni Walter ang pito ka sachets sang suspected shabu.

Ginpanginwala sang mag-asawa nga sila ang nagapanag-iya sang mga narecover nga mga pusil, granada kag suspected shabu. Suno kay Walter, halin sa ila negosyo nga frozen food kag pautang ang P24, 000 nga narecover man sa police operation. (AGB)