Ordinansa nga nagatuyo mapadasig ang infrastructure projects sa syudad, ginpropose ni Councilor Joshua Alim
Iloilo City — Ginaproponer ni Councilor Joshua Alim ang pagpasar sang Anti-Delay of Government Project Ordinance in Iloilo City agud mapadasig ang mga infrastructure projects.
Suno kay Alim, katuyuan sini nga mapahagan-hagan ukon masolusyunan ang mga delayed nga public works sa syudad bangud madamo ang nagareklamo sa huol nga tuga sang mga atrasado nga proyekto.
Paagi sini, madisiplina man suno sa konsehal ang mga uyaya nga mga contractors agud mapadasig ang ila pag-obra.
Iga-require sang ordinansa ang Department of Public Works and Highways (DPWH 6) nga hatagan sang kopya ang city government pinaagi sa City Engineering Office sang detailed engineering investigations, survey and designs, lakip ang qualifications kag kapasidad sang nagpasakop nga contractor sa government projects nga ipatuman sa syudad.
Indi lipod suno sa konsehal nga may pila ka contractors ang wala nagasunod sa ila kontrata kag delay ang proyekto. (JoMaque)