ICPO Director Henry Biñas, nagkumpirmar nga may mga drug surrenderers nga nagbalik sa illegal drugs
Iloilo City – Ginbuyagyag ni Iloilo City Police Office Director PSSUPT Henry Biñas ang impormasyon nga may mga Tokhang surrenderers nga nagbalik sa illegal drugs kag luyag nga bawion ang market sa syudad kag probinsya. Ini ang rason sang sunod-sunod nga mga operasyon sang police sang damlag lang.
Ginsulit ni Biñas nga indi mag-untat ang police tubtob indi malab-ut ang tanan nga nagapalapta sang illegal nga druga.
Ginpanugyanan naman ni Biñas ang mga surrenderers nga nagbag-o na apang nakabaton sang pamahug nga magreport sa ila agud mahatagan sang nagakaigo nga bulig.
Ang pahayag ni Biñas, kasunod sang pagtiro-patay sa duha ka surrenderers kahapon, Setyembre 7. Nagbalibad ang ICPO director nga maghatag sang conclusion sa motibo sa krimen bangud nagapadayon ang imbestigasyon.
Napatay kahapon sang aga si Don Azucena sang North Baluarte, Molo matapos gintiro sang duha ka riding-in-tandem sa Zone 4 Calumpang, Molo. Kagab-i, napatay naman si Rolando Puda sang Ingore, Lapaz sang gintiro man sang riding-in-tandem. (JoMaque)