Congressman Jerry Treñas, nanginwala nga ginsing-alan ang assistant department head sang City Planning Office

Iloilo City–Ginpanghiwala ni Congressman Jerry Treñas nga ginpataasan niya sang tingog si Architect Dolly Zuluaga, ang assistant department head sang City Planning Office, saan nagkadtu sa iya opisina.

Suno sa kongresista, gulpi lang nag-abot sa iya opisina si Zuluaga dala ang laptop kag nagpahibalo nga may proyekto ini nga nakuha sa Department of Budget and Management nga nagabalor sang Php16.2 million para sa parks and plazas.

Ginpresentar suno sa iya ni Zuluaga ang ila pagtuon nga gub-on ang likod sang iya opisina gani iya nga ginkuwestyun.

Ginhambalan ni Treñas si Zuluaga nga pasakaan ini sang kaso kon dayunon ang proyekto.

Ginpaathag man sang kongresista nga ginkuha niya kag ginpa-photocopy ang ID ni Zuluaga agud makilala kon sin-o ang iya gina-istorya. (AGB)