Amay nga gintiro-patay kaupod ang iya 3 ka tuig nga bata sa Lemery, may pamahog na nga nabaton suno sa paka-duha nga kapitan

Lemery, Iloilo (UPDATE) – Gin-confirmar ni Cabantohan, Lemery Punong Barangay Niel Salutin nga may nabaton na nga pamahog ang amay nga gintiro-patay kaupod ang iya tatlo ka tuig nga bata kaina sang aga (Oktubre 8).

Patay si Dexter Peñalosa, 39-anyos, kag anak nga si Alyas Kian, tatlo ka tuig, sang ginbanggaan kag gintiro sang gunman.

Suno kay Salutin nga pakaduha sang asawa ni Peñalosa, nakapanugid ang biktima nga antes ang Barangay and Sangguniang Kabataan Elections 2018 nakabaton siya sang pamahog. Nagapati si Salutin nga nangin kumpyansa sa iya kaugalingon ang biktima gani wala na ginsapak ang pamahog.

Duha ka anggulo ang ginapatihan sang mga himata sa pagtiro-patay sa mag-amay. Una diri suno kay Salutin ang indi maayo nga relasyon ukon away sa una nga karelasyon sang biktima kag ikaduha ang posible pagdumot sang iya gintudlo nga nagpang-carnap sang motorsiklo sa Passi City.

Una nga naigu sa ulo ang tatlo ka tuig nga bata sang gintiro sang gunman kag naglapos ang bala sa dughan sang iya amay. May patimaan man suno kay Salutin nga gin-finishing pa si Peñalosa.

Nagapati naman ang kapitan nga gun-for-hire ang suspetsado. (JoMaque)