5th District Cong. Buboy Tupas, nagpanghiwala sa akusasyon sang iya magulang-anay Cong. JunJun Tupas nga kontraktor siya sang mga proyekto kag nagapamahog sa mga manunudlo sa Quinto Distrito

Iloilo — Ginpanghiwala ni incumbent 5^th district Congressman Raul “Buboy” Tupas ang akusasyon sang iya magulang nga si anay Congressman Niel “Junjun” Tupas Jr nga contractor siya sang mga proyekto kag ginapahog ang mga manunudlo sa quinto distrito.

Ginpahayag sang kongresista nga paagi sa iya pagtinguha, madamu nga proyekto ang nahatag niya sa 5^th district kag posible nga ginkakibot ini sang iya magulang.

Indi man matuod suno sa iya nga ginapahog niya ang mga manunudlo nga sayluhon sa iban nga lugar kon indi pagsuportahan ang iya kandidatura.

Sa pagkamatuod suno sa iya, all out support siya sa tanan nga programa sa edukasyon.  Suno pa kay Congressman Tupas, mas maayo nga basehan na lang sang iya magulang ang sentimiento sang mga district supervisors kag school principals kon ginapahog niya ang mga manunudlo. (JoMaque)