Mga tricycle operators kag drivers sa Carles, nagreklamo nga indi makasulod sa Balasan

Carles, Iloilo–Nagreklamo ang mga tricycle operators kag drivers sa carles nga indi na sila makasulod sa Balasan agud magdul-ong kag mag-pick up sang mga pasahero.

Suno kay Mr. Cesar Sagun, presidente sang Barusbos Carles-Balasan Tricycle Owners and Drivers Association, nakibot na lang sila sang ginpahalin sila ni Balasan Sangguniang Bayan Member Sipil Duremdes matapos sila ginhatagan sang terminal lane sa nasambit nga banwa. Ginpabutyag ni Sagun nga ginsapol sila ni Duremdes agud ipa-athag nga may ginpasar nga ordinansa ang Balasan nga gina-pull out sa ila terminal ang mga tricycle sang Carles.

Gin-akusahan ni Sagun si SB Member Duremdes nga nagmatu-mato pasar sang ordinansa nga wala sang ihibalo ang Sangguniang Bayan. Pero nag-ako si Sagun nga wala sila sang kopya sang ordinansa bangud ginsapol na sila ni Duremdes.

Tubtob lang sa boundary sang Balasan kag Carles ang mga pasahero sang tricycle halin sa Carles suno kay Sagun.

Ginpabutyag naman ni Duremdes nga wala sila sang ordinansa ang banwa nga indi makasulod sa Balasan ang mga tricycle sang Carles.

Wala man ini sang may naga-egsister nga kapareho nga ordinansa sa Sangguniang Panlalawigan.

Ginpa-athag ni Duremdes nga ang ginbasehan nila ang DILG memorandum circular 2007-01 angut sa preparasyon sang syudad kag mga banwa sa paghatag sang franchise sa mga tricycle kag trisikad. (AGB)