ICPO director, nagpasalamat sa bulig sang mga force multipliers agud mapabilin nga malinong kag matawhay ang pista minatay

Iloilo City–Dako ang nabulig sang mga traffic auxiliaries, Barangay Peace-keeping Action Team ukon BPAT, kag mga barangay Tanod sa pagmentinar sang katawhay kag kalinong sa pagdumdom sang pista minatay sa syudad.

Suno kay Iloilo City Police Office Director PSSUPT Martin Defensor Jr, wala sila sang na-monitor nga dalagko nga mga insidente sa bug-os nga syudad kahapon, Nobyembre 1.

Apang may mga napang-confiscate nga mga gamit pareho sang kutsilyo nga gamiton kuntani sang mga pumuluyo sa paglimpyo sa patyo. May ginpang-isyuhan man sila sang citation ticket bangud nadakpan nga nagapanigarilyo sa mga patyo. (AGB)