Logistics Officer sang Zamboanga del Norte Police Provincial Office nga taga-Negros Occidental, patay sang ginpahayag nagbato sa buy bust operation nga ginhimo sang PNP Counter-Intelligence Task Force; Police official, gintudlo nga protektor sang mga drug personalities kag gin-angut man kay the late PDEA identified drug group leader Melvin Odicta

Zamboanga del Norte–Patay ang logistics officer sang Zamboanga del Norte Police Provincial Office matapos natiruhan sang ginpahayag nagbatu sa kasubong niya nga mga pulis sa drug buy bust operation nga ginhimo sang PNP Counter-Intelligence Task Force sa Dipolog City kagab-i,Nobyembre 5.

Ginkumpirmar ni PCI Joseph Ortega, hepe sang Dipolog City Police Station, nga natabu ang operation batuk kay PSUPT Santiago Rapiz las 7:40 sang gab-i sa sulod sang Andres Bonifacio College sa Barangay Miputak.

Kaupod sang PNP-CITF sa operation ang Philipine Drug Enforcement Agency (PDEA). Ginpahayag nga bag-o lang nakatapos hampang sang basketball ang subject sang ginhimo ang buy bust.

Pero namutikan ni Rapiz nga pulis ang iya ka-transaksyon matapos nakabaton sang buybust money nga balor P50,000. Nagtuyo pa magpalagyo si Rapiz apang na-corner sang mga operatiba. Pero sa baylo nga magsurrender,  nagabot ang subject sang pusil kag ginpalukpan ang mga operatiba rason nga nagbalos man ang mga pulis.

Gindala pa sa Corazon Aquino Hospital sa Dipolog City si Rapiz apang gindeklarar nga dead-on-arrival. Na0recover sa crime scene ang pila ka sachets sang suspected shabu kag 45 kalibre nga pusil.

Involvement sa illegal drugs

Base sa report sang CITF, na-identify si Rapiz nga isa sa mga drug protectors ni the late PDEA-identified drug group leader Melvin Odicta nga nabase sa syudad sang Iloilo kag gintudlo nga drug protector sang drug personalities sang assigned pa siya sa Negros Occidental.

Ginpahayag ni Senior Supt. Romeo Caramat Jr, head sang PNP-CITF, nga base sa ila imbestigasyon, nagabaton si Rapiz sang P700,000 kada semana halin kay Odicta kag naconfirmar man nga may lima ka dalagku nga balay sa Negros Occidental kag malahalon nga mga salakyan ang police official. (AGB)