Porsyon sang 10 ka mga government buildings sa Guimbal, na-damage kasunod sang magnitude 4.8 nga linog

Guimbal – Na-damage ang porsyon sang 10 ka mga government buildings sa Guimbal kasunod sang magnitude 4.8 nga linog kahapon, Nobyembre 5.

Suno kay Guimbal Municipal Disaster Risk Reduction and Management Officer Grace Villaspin, na-apektuhan sang pagtay-ug ang;

1.) Guimbal Municipal Hall (naglitik ang porsyon sang Guimbal MH kag Annex Building)

2.) Guimbal District Hospital (naglitik ang ding-ding sang Delivery Room kag Operating Room Number 2)
*gindeklarar nga indi safe gamiton ang Delivery Room kag Operating Room Number 2
*ginpavacate man ni Dr. Alberto Cordero, chief sang ospital ang Obygyne Ward sa Station 2 bangud sang mga litik sa ding-ding

3.) Guimbal National High School ( litik sa 2-storey building)

5.) Guimbal Central Elementary School ( litik sa 2-storey building)

6.) Igcocolo Elementary School (narumpag ang porsyon sang kisame sang Kindergarten Room)

7.) Cabasi- Sta. Rosa Elementary School (naglitik ang ding-ding sang Academic Building kag Industrial Arts Building)

8.) Particion National High School ( litik sa 2-storey building)

9.) Nanga Elementary School ( litik sa 2-storey building)

10.) Nalundan Elementary School ( litik sa Academic Building kag Clinic)

Subject sa retrofitting sang Department of Public Works and Highways ukon DPWH ang mga naguba suno kay Villaspin.

Gin-suspend ang klase sa Guimbal kahapon samtang balik sa normal naman ang trabaho sa Guimbal Municipal Hall. (JoMaque)